58              TESTAMENTS ENREGISTRÉS AU PARLEMENT DE PARIS          (298)
parmi' ce que les religieux Celestins d'icelle eglise seront tenuz de maintenir à tousjours en bon estat et honnorable la dicte tumbe, ymages et paincture, et dire et celebrer en ycelle eglise chascun jour à tous­jours une messe perpetuele, ainsi que les journées le requerront, poul­le salut et remede de l'ame de lui, ses pere, mere, amis et bienfaic-teurs.
Item, volt et ordonna que le jour de son obit soient dictes et célé­brées soixante messes, et qu'il y ait pour son luminaire autour de son corps à son obseque douze povres vestuz de noir, qui tendront chascun une torche et quatre cierges aux quatre cornez de son serqueuz, chas­cune torche et chascun cierge pesant six livres de cire.
Item, volt et ordonna estre paié pour chascune des soixante messes dessus dictes trois solz Tournois aux prestres qui les diront.
Item, volt et ordonna estre donné et aumosné à chascun povre qui sera à son dit service un blanc de quatre deniers Parisis, et si volt estre donné à chascun de ceulx qui tendront les dictes torches deux solz Tournois.
Item, volt et ordonna que le jour de son service ait sur son corps et serqueul un drap noir de bouquassin, auquel aura au long et au tra­vers une croix vermeille et escuz de ses armes, et que le dit drap soit et demeure tant que durer pourra sur son serqueul ou sepulture, et quê tout le dit luminaire, son dit service fait, soit et demeure aus diz religieux.
Item, il laisse à chascune de ses deux sereurs cent livres Tournois pour une foiz.
Item, il laisse et donne à Jehan de Ia Mare, son clerc, six vins livres Tournois pour une foiz, pour tous salaires et services et autres choses qu'il pourroit demander au dit testateur.
Item, donne et laisse à Jehan du Brueil, son serviteur, la somme de huit vins livres Tournois pour une foiz, pour tous salaires, services el autres choses en quoy il lui pourroit estre tenuz, lequel l'a bien loyaï-ment et longuement servi et a eu pluseurs painnes et travaulx en son service.